وێنه‌يى: ئەڤرۆ داعش خێزانێن مووسل به‌ر ب سوریا برن
ئه‌ڤرۆ نيوز، بارزان مزووری:
بەرپرسێ لقا 14 يا پارتى ديموكراتى كوردستان ل مووسل، عسمه‌ت رەجەب، بۆ ئەڤرۆ نیوز دیار کر کو ئەڤرۆ سپێدێ ل ناڤ باژێرێ مووسل چەکدارێن تیرورستێن داعش ب دەھان خێزانێن مووسل بەرەڤ سوریا ڤەگوھاستن بۆ باژێرێ رەقە ژ ترسێن رزگارکرنا مووسل ژ بەر کو مووسل ژ دەستێن وان دەرکەفت.
ناڤبری دیار کر کو د ھەمان دەم دا داعش چار سەربازێن خوه ئەوێن د ناڤ رێزێن وان دا سێدارە دان ب تومەتا خیانەتکرنێ و ژ بەر بەلاڤکرنا پێزانینێن وان بۆ دەزگەھێن ئیمناھیێ.
دا زانين ژى كو ناڤێن وان سه‌ركردان مسته‌فا کەنعان و ئیبراھیم عوفری و وەلید جبوری و حه‌سه‌ن عوفری بوون.
گۆتژى: “سێ چەکادرێن داعش ژ لایێ رێکخراوێن ناڤ باژێرێ مووسل ئەوێن دژی داعش شەری دکەن ھاتنه کوشتن”.
