وێنه‌يى: قووناغێن ب دووماهى هاتنا كه‌مپه‌كا سێ هزار خيڤه‌تى
ئه‌ڤرۆ نيوز:
كۆمپانيا ئه‌رتووش رابوويه ب درۆستكرنا كه‌مپا كبرتۆ ئێك ل پشت گۆندێ باختمى بۆ ئاواران كو سێ هزار خيڤه‌تا ب خوه ڤه دگرت و ب له‌زترين و باشترين كه‌مپ دهێته هژمارتن.
عه‌لى فه‌لاح چاڤدێرێ پرۆژه‌ى ژ لايێ كۆمپانيێ ڤه بۆ ئه‌ڤرۆ نيوز گۆت: “د ماوه‌كێ گه‌له‌ك كێم دا ئه‌م شياين كه‌مپا كبرتۆ ئێك به‌رهه‌ڤ بكه‌ين كو دبيته باشترين و ب له‌زترين كه‌مپ ل دهۆكێ بۆ ئاواران هاتيه چێكرن و پارێزگارێ دهۆكێ ژى ده‌ستخۆشى ل مه كريه”.
زێده‌رت گۆت: “د ناڤا هه‌ر خيڤه‌ته‌كێ دا، سه‌رشۆ و ته‌والێت ب كونكريتى هاتينه چێكرن و لێنانگه‌هـ ژى تێڤه نه”، زێده‌بارى وێ چه‌ندێ ئه‌ڤ خيڤه‌ته ل سه‌ر روويێ 4م/5م هاتينه دروستكرن و خزمه‌تێن ئاڤ و كاره‌ب و جاده و باخچه ژى تێدا هه‌نه.
