وێنەگرەكێ كورد پشكداریێ د فێستیڤالەكا نێڤدەولەتی دا دكەت
دلڤین رەشید
وێنەگر(سەفین حەمید) د دیدارەكێ دا بۆ رۆژنامەیا ئەڤرۆ دیاركر كو ل باژێرێ پێرپێنیۆی ل فرەنسا (38)مین فێسیڤالا نێڤدەولەتی یا وێنەیێن رۆژنامەڤانی هاتە ڤەكرن و هژمارەكا وێنەگران ل چەندین وەلاتێن جیهانێ دوێ پێشانگەهێ دا د پشكدابوون.
ناڤهاتی گۆت: ئەڤ فێستەڤالە ئیك ژ گرنگترین هەلكەفتێن نیڤدەولەتی یە دبۆارێ فوتۆگراڤی دا، هەرسال روودان و بابەتێن گرنگ یێن جیهانی ب رێكا وێنەیێن رۆژنامەڤانی دئێخنە بەرچاڤێ خەلكی، ئەز ژی وەكو كوردەك دناڤ ڤێ فێستیڤالێ دا ب وێنەیێن خۆ پشكدارم و ئەڤە دەرفەتەكا گرنگە ژ بۆ هندێ دەنگ و ڕەنگێ جڤاكێ كوردی ل وەلاتێن نێڤدەولەتی دا بهێنە نیشادان و پشكداریا من وەك كوردەك ئێك ژ پێناگاڤێن گرنگە ژ بۆ ناساندنا هێز و شیانێن رۆژنامەڤانێن كورد دبۆارێ مەدیایێ دا و وێنەێین رۆژنامەڤانی و گێڕانا چیرۆكێن جڤاكی ب شێوازەكێ پیشەی كارێن خۆ نیشا ددەم.
