وێنەیی: مەزنترین پانوراما ل دھۆکێ يا ل شێلادزێ دھێتە چێکرن
شێلادزێ ، نەوزاد زادە ھلۆری :
ب مەرەما خزمەتکرنا خەلکێ دەڤەرێ ب سەرپەرشتیا رێڤەبەریا گشتی یا وەبەرھێنانێ ل پارێزگەھا دھوکێ مەزنترین پانوراما وەربەرھێنانێ ل پارێزگەھا دھوکێ ل ناحیا شێلادزێ دھێتەچێکرن.
موئەیەد محسن نەقشەبەندی ئەندازیارێ گشتیێ پرۆژێ پانوراما شێلادزێ دیارکر کو پانوراما شێلادزێ نھا چوویە د وارێ چێکرنێ دا و بو ئەڤرۆ نیوز گۆت: “ئەڤ پرۆژەیە مەزنترین پانوراما وەبەرھێنانێ یە ل پارێزگەھا دھوکێ و ژ شەش قاتان پێک دھێت و قاتێ ژێر زەڤی بوو پارکا راوەستانا ترومبێلایە و قاتێ ئێکێ و دوویێ دێ بیتە بازارێ نیشتمانی کو یا تایبەتە بوو دانانا دووکانان و قاتیێ سێیێ و چوارێ و پێنجێ ژی بوو شوقەیان ھاتینە بەرھەڤکرن کو ب شێوازێ ئوتێل و موتێلن و تایبەتن ب ڤەحەواندنا گەشتیاران”.
ئەندازیارێ گشتیێ پرۆژەی گۆتژی: “ئەڤ پرۆژەیە دێ ل سەنتەرێ بازارێ ناحیا شێلادزێ لسەر جاددا گشتی ل گومرکا شێلادزێ ل شوونا چایخانا بناڤێ گەنجوی ھێتەچێکرن ل سەر رووبەرێ 1200م2 ب کوژمێ دو ملیون دولاران کو 64 بازار و 24 شوقەیان د گەل پارکەکا ترومبێلان بخوڤە دگریت و ب سیستەمەکێ کارەبایی و چاڤدێریا کامیرەیا بەردەوام ھاتیە دیزانیکرن، و ماوەیێ پرۆژەی 18 ھەیڤن و کومانیا ئەلن یا نافحوی دێ ئەرکێ چێکرنێ ب ستوویێ خوڤە گریت”.
