وەزارەتا ئەوقافێ ئەڤرۆ دێ چاڤدێریا دیتنا ھەیڤێ کەت
ئەڤرۆ نيوز:
وەزارەتا ئەوقاف و کاروبارێن ئایینی یا حوکمەتا ھەرێما کوردستانێ راگەھاند، ئەڤرۆ سێشەمبێ ١٦-٦-٢٠١٥ لژنا دیتنا ھەیڤێ ل وەزارەتێ دێ کۆم بیت و بەرێخوەدانا ھەیڤێ ھێتە کرن، دا کو رۆژا ئێکێ یا ھەیڤا پیرۆزا رەمەزانا ئەڤ سالە بھێتە دیارکرن.
ل دووڤ راگەھاندنەکا وەزارەتا ئەوقاف و کاروبارێن ئایینی یا حوکمەتا ھەرێما کوردستانێ کو ئاماژە ب وێ چەندێ کریە، ھەکەر ئێڤاریا ئەڤرۆ سێشەمبێ ھەیڤ ھاتە دیتن رۆژا چارشەمبی ١٧-٦ دێ رۆژا ئێکێ یا ھەیڤا رەمەزانا پرۆزا ئەڤ سالە بیت و ھەکەر نەھاتە دیتن پێنجشەمبێ دێ بیتە رەمەزان.
وەزارەتا ئەوقافێ داخواز ژ ھەموو وەلاتیان ژی کریە کو چاڤدێریا دیتنا ھەڤێ بکەن و ل ھەر جھەکێ ھەیڤ ھاتە دیتن ب زووترین دەم لژنا بینینا ھەیڤێ ئاگەھدار بکەن.
