وەزارەتا ئەوقافێ: سوبەهی ئێڤارێ دێ رۆژا ئێکێ یا هەیڤا رەمەزانا پیرۆز هێتە دیار کرن
ئەڤرۆ نیوز:
بریارە سوبەهی ٢٢ نیسانێ لژنا بلند یا دیتنا هەیڤێ یا گرێدایی وەزارەتا ئەوقاف و کاروبارێن ئاینی یێن هەرێمێ کۆمبیت و رۆژا پێنجشەمبی یان ئەینیێ وەک ئێکەم رۆژا رەمەزانێ دیار بکەت.
نەبەز ئیسماعیل پەیڤدارێ ئەوقافا هەرێمێ راگەهاندیە، سوبەهی چارشەمبی ٢٢ نیسانێ پشتی نڤێژا ئێڤاری، لژنا دیتنا هەیڤێ ل دیوانا وەزارەتێ ب هەڤبەندی ل گەل لژنێن خوە ل پارێزگەهێن کوردستانێ، دێ ئێکەم رۆژا هەیڤا رەمەزانێ دیار کەت.
گوت ژی، ئەگەر هەیڤا شەعبانێ ٣٠ رۆژ بیت وی دەمی ڕۆژا ئەینیێ دێ بیتە ئێکەم رۆژا هەیڤا رەمەزانا پیرۆز و ئەگەر ٢٩ رۆژبیت وی دەمی رۆژا پێنجشەمبی دێ ئێکەم رۆژا رەمەزانێ بیت.
رەمەزانا ئەڤ سالە دەمەکێ دایە، د کڤانێ رێکارێن رێگریکرن ژ بەلاڤبوونا ڤایرۆسێ کۆرۆنایێ، ڕۆژا ٤ ئادارا بوری، ب بڕیارا حکومەتا هەرێمێ هەموو ڕێورەسمێن ئاینی ل مزگەفتان، کەنیسە و پەرستەگەهان هاتینە راگرتن.
