وەزارەتا دارایی روونكرنه‌كێ ل دۆر پله بلندكرنا فه‌رمانبه‌ران به‌لاڤ دكه‌ت
ئەڤرۆ نيوز:
وەزارەتا دارایی و ئابووری یا حوکمەتا ھەرێما کوردستانێ بڕیارەکا نوو دەربارەی بلندکرنا پلێن فەرمانبەران دەرئێخستیە و ل گۆرەی وێ بڕیارێ ژی د ئەڤ سالە دا پلێن چو فەرمانبەران ناھێنە بلندکرن.
ل دووڤ رێنمایا ھژمار 11 یا وەزارەتا دارایی و ئابووریا حوکمەتا ھەرێما کوردستانێ، کو ل رۆژا ئێکشەمبی 24/1/2016 ژ لایێ (ڕابەر سەدیق محەمەد) بریکارێ وەزیرێ دارایی ب وەکالەت ھاتیە ئیمزاکرن و تێدا ھاتیە: “د سالا 2016 دا چو پلێن فەرمانبەران یێن پلێن وەزیفی یێن گشتی ناھێنە بلندکرن”.
د وێ رێنمایا وەزارەتا دارایی دا ئاماژە ب وێ چەندێ ژی ھاتیە کرن کو ئەڤ سالە ب ھەمان پلا بەرێ یا ھەموو فەرمانبەران، سەرمووچە دێ بۆ ھێتە دان و تێدا ھاتیە: “ئەو فەرمانبەرێن ھەتا رۆژا 31/12/2015 ھەژی پلە بلندکرنێ بووین، پلێن وان دێ ھێنە بلندکرن و ئەڤ بڕیارە ژ وان ناگریت، خۆ ھەکەر رێکارێن وان یێن کارگێری بکەڤە د سالا 2016 ژی دا”.
وەکو دیار ژ ئەگەرێ وێ قەیرانا دارایی یا ھەرێما کوردستانێ تێرا دبۆریت و گیرۆبوونا مووچێ فەرمانبەران و وی بەرنامێ چاکسازیێ یێ حوکمەتا ھەرێمێ دەستپێکری، وەزارەتا دارایی بلندکرنا پلێن فەرمانبەران بۆ ئەڤ سالە ڕاگرتن.