وەزارەتا دارایی مووچێ 194 ھونەرمەندێن دھۆکێ بڕی
ئەڤرۆ، سالار دۆسکی:
وەزارەتا دارایی و ئابووری یا حوکمەتا ھەرێما کوردستانێ رازینەبوو ل سەرخەرجکرنا مووچێ رێزلێنانیێ یێ ھونەرمەندان، بۆ دەمەکێ نەدیار مووچێ ھونەرمەندان ھاتە راگرتن.
ب نڤیسارا ھەژمار(35) ل رێکەفتی 15ى كانوونا دويێ يا سالا 2015 یا کو رێڤەبەریا گشتی یا رەوشەنبیری و ھونەری ل پارێزگەھا دھۆکێ بۆ وەزارەتا دارایی و ئابووی ھنارتی کو دانەک ب دەست رۆژناما ئەڤرۆ کەفتیە، بەرسڤا ب نڤیسارا ھەژمار (3048) ل رێکەفتی 3ى ئادارا 2015ێ ھاتیەدان کو راگرتنا مووچێ رێزلێنانێ بۆ دەمەکێ نەدیار ژبەر قەیرانا دارایی، دیسان رێڤەبەریا رەوشەنبیری ئاشکراکریە کو ب نڤیسار وەزارەتا رەوشەنبیری و ھونەری ھاتیە ئاگەھدارکرن کو دوڤچوونێ ل سەر بابەتی کەن، ئاشکراکر یە کو ل دووڤ بریارا ئەنجوومەنێ وەزیران کەسێن ڤی مووچە وەردگرن پێدڤی یە چ داھات نەبیت، لەوما دێ دبەردەوام بین ل سەر زڤراندنێ، جھێ ئاماژەکرنێ یە کو 194 ھونەرمەندان، رۆژنامەڤان و نڤیسەر ل پارێزگەھا دھۆکێ مووچێ رێزلێنانێ مفاداربووینە.