وەزارەتا دارایی و ئابووری راگەهاندنەک بەلاڤ کر
ئەڤرۆ نیوز:
وەزارەتا دارایی و ئابووری یا هەرێمێ راگەهاندنەک بەلاڤکریە و تێدا هاتیە، ژبەر رێکارێن خۆپاراستنێ ژ ڤایرۆسێ کۆرۆنا یێ و قەدەغەیا هاتنوچوونێ سوبەهی مووچە ناهێتە دابەش کرن.
ئەحمەد عەبدولرەحمان پەیڤدارێ وەزارەتا دارایی و ئابووری یا هەرێما کوردستانێ دیار کریە، ئەو خشتێ مووچەی یێ کو بەری نوکە هاتبوو راگەهاندن، کو دێ ل رۆژا ئێکشەمبیێ ١٥ ئادارا ٢٠٢٠ هێتە دابەش کرن، د وی رێکەفتێ دا مووچە ناهێتە دابەش کرن و دێ بۆ رۆژێن دووڤدا هێتە پاشخستن.
هەروەسا گۆتیە، ئەگەرێ پاشخستنا مووچەی بۆ رێکارێن بەرهەنگاربوونا کۆرۆنا یێ ڤەدگەریت و هەتا وی دەمێ بەرچاڤ روونی پەیدا دبیت، دێ دابەش کرنا مووچەی دەستپێکەتە ڤە.