وەزارەتا ساخلەمیا هەرێمێ: 14 کەسێن دیتر تووشی ڤایرۆسێ کۆرۆنا یێ بووینە
ئەڤرۆ نیوز:
وەزارەتا ساخلەمیا هەرێما کوردستانێ دیار کر: د دەمێ ٢٤ دەمژمێرێن بوری دا (١٠٨٧) پشکنین هاتینە ئەنجام دان، (٨٦١) ل هەولێرێ، (١٥٦) ل سلێمانیێ، (٧٠) ل دهۆكێ، دەرئەنجام (١٤) تووشبوویێن نوو هاتینە تۆمارکرن و ب ڤی رەنگێ ل خوارێ:-
• پارێزگەها هەولێرێ (٢) پۆزەتیڤ، ژنەکا د ژیێ (٣٠) سالیێ دا و زەلامەکێ د ژیێ (٢٥) سالیێ دایە بەرکەفتیێن تووشبوویێن بەری نوکە نە.
• پارێزگەها سلێمانیێ (٧) پۆزەتیڤ، زەلامەکێ د ژیێ (٣٧) سالیێ دایە ل قەزا سەیدسادق کو ژ گەشتێ ڤەگەریایە و ل کەرەنتینێ بوو، زەلامەکێ د ژیێ (٢٦) سالیێ دایە ل ناڤا شارێ سلێمانیێ، (٥) ژن د ژیێن (٥٧)، (٢٢)، (٢١)، (١٩)، (١٥) سالیێ دانە ل قەزا چەمچەمال، کو هەمووی بەرکەفتیێن تووشبوویێن بەری نوکە.
• پارێزگەها هەلەبجە (٥) پۆزەتیڤ، زەلامەکێ د ژیێ (٢٥) سالیێ دایە، (٤) ژن د ژیێن (٥٣)، (٣٥)، (٢٨)، (٢٥) سالیێ دانە، کو هەموو بەرکەفتیێن تووشبوویێن بەری نوکە نە.
ئامارێن گشتی، سەرجەمێ گشتی یێ تووشبوویان ب ڤایرۆسێ کۆڕۆنا یێ ل هەرێما کوردستانێ گەهشتە (١٩٠) تووشبوویان، دناڤ وان دا (٢) کەس مرینە و (٦١) نەخۆش ساخبووینە، ئەوێن دیتر هەموو ل ژێر چاڤدێریا نۆشداران دانە.