وەزارەتا ساخلەمیێ: هەشت تووشبوو یێن نوو یێن کۆرۆنا یێ ل هەولێرێ هاتنە تۆمار کرن

ئەڤرۆ نیوز:

وەزارەتا ساخلەمیا هەرێمێ راگەهاند: هەشت تووشبوویێن دی یێن کۆرۆنا یێ ل هەولێرێ هاتنە تۆمار کرن، هەموو ژ خێزانەکا تووشبوویەکێ هەولێرێ نە و ل کۆمەلگەها شاوەیسن.

هەروەسا گۆتیە: د بەردەوامیا پشکنین و لێگەریانێ لدووڤ گومانلێکریان، ھەشت تووشبوویێن دی یێن ڤایرۆسێ کۆرۆنا یێ ل ھەولێرێ هاتنە دەست نیشانکرن، کو ئەو ژی ژنەک د ژیێ 45 سالیێ دا و دو کچ د ژیێن 22 و 11 سالیێ و چار کور د ژیێن 25 و 22 و 14 و 6 سالیێ دا، کو هەموو ژ خێزانەکا تووشبوویەکێ ئەڤرۆ یە ل هەولێرێ و ل کۆمەلگەها شاوەیسن، دیسان زەلامەکێ د ژیێ ٤٢ سالیێ دایە و برایێ تووشبوویێ ئەڤرۆ یێ باژێرێ هەولێرێ یە، کو خۆجهێ ھەولێر ستی یە، ھەموو ژی بەرکەفتیێن تووشبوویێن دوهی و ئەڤرۆ نە.

کۆمێنتا تە