وەزارەتا کارەبێ: ئەڤ سالە دێ کارەبا کوردستانێ باشتر بیت
ئەڤرۆ نیوز:
پەیڤدارێ وەزارەتا کارەبا حوکمەتا ھەرێما کوردستانێ ئاشکرا کر ھەتا نوکە رەوشا کارەبێ ل ئەڤ سالە باشتر بیت ژ سالێن بوری.
زێدەتر محەمەد ھەورامی دیارکر ھەتا نوکە چو زانیاریێن دروست یێن نوو نینن ل سەر قەبارەیا بەرھەم ئینانا کارەبێ ل ھەرێما کوردستانێ تایبەت ل وەرزێ ھاڤینێ لێ نزیکترین دەم دێ کومبوونەکا تایبەت ل دۆر ڤێ رەوشێ ھێتە کرن و دێ ب فەرمی راگەھینن ل دۆر شیانێن بەرھەم ئینانا کارەبا ھەرێمێ.
ناڤھاتی ئەو چەندە ژی دیارکر کو کارەبا ئەڤ سالە دێ باشتر بیت ژ سالێن بوری و دێ دەمژمێرێن زێدەتر دەنە وەلاتیان ژ بەرکو نوکە ژێدەرێن کارەبا بەنداڤا دووکان و دەربەندیخان و یێن گازێ ژی زێدەبووینە.