وەزارەتا کارەبێ 70 میگاواتێن دی یێن كاره‌بێ دانە پارێزگەها دهۆکێ
ئەڤرۆ نیوز ، زنار تۆڤی:
جێگرێ پارێزگارێ دهۆكێ راگه‌هاند کو حوكمه‌تا هه‌رێما کوردستانێ حه‌فتێ میگاواتێن دی یێن كاره‌بێ بۆ دهۆكێ زێده‌كرن و ل هەیڤا هه‌شت دێ دەمژمێرێن كاره‌با گشتی بۆ وەلاتیان زێده‌بن.
به‌هزاد عه‌لی ئاده‌م جێگرێ پارێزگارێ دهۆكێ گوت ژی: وه‌زاره‌تا كاره‌بێ یا حوکمه‌تا هه‌رێما کوردستانی بریارا زێده‌كرنا حه‌فتێ مێگاواتێن دی یێن كاره‌با گشتی بۆ دهۆكێ دا و ب ڤێ چەندێ ژی، دێ دەمژمێرێن دانا كاره‌با گشتی د هەیڤا بهێت دا زێده‌بن و دێ بنه 13 دەمژمێر، د ده‌مه‌كی دا کو بەری نوکە 11 دەمژمێر بوون.
هەروەسا دیارکر ژی: فشاره‌كا مه‌زن ل سه‌ر پشكا كاره‌با دهۆكێ هه‌یه، ژبه‌ركو پتری 40 مێگاواتێن كاره‌بێ بۆ سه‌نگه‌رێن پیشمه‌رگه‌ی دچن و 53 مێگاوات ژی بۆ ئاواره‌یان، لێ ئه‌ڤ بریاره دێ بارگرانیا خه‌لكی سڤكتر لێ كه‌ت.
