وەزیرێ بەرگریا ئەمریکا: سیاسەتا مە نەهاتیه گوهۆڕین و دێ مینینە ل عیراقێ
ئەڤرۆ نیوز:
مارک ئیسپەر، وەزیرێ بەرگریا ئەمریکا د کۆنفرانسەکێ رۆژنامەڤانیدا راگەهاند: گەلەک ژ عیراقیان دناڤا وان دا کورد و سووننەیان دڤێت ئەمریکا ب مینیتە ل عێراقێ و نە پشکداریا وان د روونشتنا پەرلەمانی دا بۆ ڤێ مەبەستێ بوو.
هەروەسا دبێژیت: باوەریا ئەمریکا وەسایە هەکە حوکمەتا عێراقێ ژ روویێ قانوونی ڤە مەرج نینە پابەند بیت ب وێ بڕیارا پەرلەمانی، ئەو پەرلەمانتارێن شیعی یێن کو دەنگێ حوە دایە وێ پرۆژە قانوونێ، ل ژێر هێرەش و فشارێن هێزێن چەکدار دابوون.
وەزیرێ بەرگریی ئەمریکا گوت ژی، هەتا نوکە چ داخوازیێن فەرمی ژ ئالیێ عێراقێ ڤە نەگەهشتینە وان بۆ ڤەکێشانا هێزێن وان ژ عێراقێ و وان دڤێت ئالۆزیان ل گەل ئیرانێ کێم بکەن و هۆشداریا هندێ دا کو ئەو بۆ خراپترین دۆخ د ئامادەنە، هەروەسا بۆ میدیایێن وەلاتێ خوە ئاخفت و دوپاتکر کو ئەو هێزێن خوە ژ عیراقێ ڤەناکێشن.
