وەزیرێ دارایی رازی بوو
ئەڤرۆ نیۆز، سالار دۆسکی:
بریاردەرا لژنا پێشمەرگەی ل پەرلەمانێ کوردستانێ بۆ مالپەرێ ئەڤرۆ نیۆز دیارکر کو وەزیرێ دارایی و ئابووری ل حوکمەتا ھەرێما کوردستانێ پشتەڤانی ل پێشنیارا وان کریە و نوکە چارڤەرێی بەرسڤا سەرۆکاتیا ئەنجوومەنێ وەزیرانن.
بوھار عەبدوالرحمان بریاردەرا لژنا پێشمەرگە و شەھیدان ل پەرلەمانێ کوردستانێ بۆ مالپەرێ ئەڤرۆ نیۆز گۆت: پشتی سەردانا وەزیرێ پێشمەرگەی و دارایی و ئابووری کری، ژ سەرۆکاتیا ئەنجوومەنێ وەزیران خواستیە وەرگرتنا پێشینە بگشتی (ئاڤاھی ، ژنئینان، قەرزێن بچووک) ل سەر پێشمەرگەی بھێنە راگرتن ھەتا شەرێ ل گەل داعش ب دووماھی بھێت.
بوھارێ ھێشتا گۆت: وەزیرێ دارایی و ئابووری ل حوکمەتا ھەرێما کوردستانێ رازیبوونا خوە دیارکریە بۆ ڤێ پێشنیارێ و بتنێ جاڤەرێ سەرۆکاتیا ئەنجوومەنێ وەزیرانین، نوکە مە ژ وەزارەتا پێشمەرگە خواستیە ژمارە و ناڤێن ئەوان پێشمەرگان بۆ وەزارەتا دارایی ب ھنێریت ب وێ مەرەمێ کار ل سەر پێشنیارا مە بھێتەکرن.
ھێشتا گۆت: ھایدارین ل سەر رەوشا خێزانێن پێشمەرگەی و پرۆژە قانوونەک ھاتیە بەرھەفکرن، دیسان بریار ھەژمارە (١٩) کو (٢٥) خالان ب خوەڤەدگریت، پێشنیارامە دھێتە بجھئینان ھەتا ئەڤ پرۆژە قانوونە دھێتە پەسەندکرن.
