وەزیرێ ساخلەمیێ: ئەو نەخوشێن پێدڤی چاندنا مێلاکێ ھەین دێ فرێکەینە ژ دەرڤە
ئەڤرۆ نیوز:
وەزیرێ ساخلەمیێ ل حوکمەتا ھەرێما کوردستانێ دیار کر کو ھەتا نوکە وان ھەشت نەخوشێن پێدڤی چاندنا مێلاکێ ھەین فرێکرینە ژ دەرڤەی وەلاتی و ئەم یێ بزاڤان دکەین ھەموو ئەو نەخوشێن پێدڤی ب چاندنا مێلاکێ فرێکەینە ژ دەرڤە.
د. رێکەوت حەمە رەشید، وەزیرێ ساخلەمیێ ل حوکمەتا ھەرێما کوردستانێ د پەیجێ خوە یێ تایبەت دا ل سەر تورا جڤاکیا فەیسبووکی بەلاڤکریە، ھەتا نوکە نشتەرگەریا چاندنا مەژی بۆ ١٩٥ نەخوشان دناڤ ھەرێما کوردستانێ دا ھاتیە کرن و گۆت: “١٥٠ نەخوشێن دیژی ھاتینە بەرھەڤکرن دا کو نشتەرگەریا چاندنا مەژی بۆ بھێتە ئەنجام دان”.
وەزیری ئاماژە ب وێ چەندێ ژی کریە کو رێژا سەرکەفتنێ د ئەنجام دانا وان نشتەرگەریان دا ٩٥% بوویە و گۆت: “د پاشەرۆژەکا نێزیک دا ھەرێما کوردستانێ ب شیانێن خوە دێ نشتەرگەریێن چاندنا مەژی ئەنجام دەت بۆ نەخوشان ئەنجام دەت”.
د. رێکەوت ئاشکرا ژی کر، ئەو وەکو وەزارەتا ساخلەمیێ یێ بزاڤان دکەن، ھەموو ئەو نەخوشێن پێدڤی ب چاندنا میلاکێ ھەین ب ھنێرنە ژ دەرڤەی وەلاتی و ھەتا نوکە ژی ھەشت نەخوش بۆ دەرڤەی وەلاتی ھاتینە ھنارتن.
