وەزیرێ ناڤخوە: کۆرۆنا مەترسیەکا مەزنە و مە دڤێت وەلاتی پتر خوە بپارێزن
ئەڤرۆ نیوز:
رێبەر ئەحمەد وەزیرێ ناڤخوە یێ حوکمەتا هەرێما کوردستانێ راگەهاند کو رێکارێن هەتا نها یێن حوکمەتا هەرێما کوردستانێ وەسا کریە کو ڤایرۆسێ کۆرۆنا ل کوردستانێ بهێتە کۆنترۆلکرن و ل چاڤ وەلاتێن دی یێن جیهانێ رێژا تووشبوویان ل کوردستانێ گەلەک کێمە.
ناڤهاتی راگەهاند کو مخابن هەتا نها هندەک کەس ژ مەترسیا کۆرۆنا یێ تێنەگەهشتینە و وەکو پێدڤی سەرەدەریێ ل گەل مەترسیا ڤایرۆسێ کۆرۆنا ناکەن و گۆت: (هەر بریارەک بهێتە دان ئەم وەکو وەزارەتا ناڤخوە ل گەل پارێزگار و وەزارەتا ساخلەمیێ دووڤچوونێ دکەین و پاشی یا پێدڤی دکەین و هەر بریارەکا ئەم بدەین ژی بۆ پاراستنا وەلاتیانە ل هەرێما کوردستانێ).
