وەزیرێ ناڤخۆ: توشبوویێن بەهیا هەولێرێ دێ هێنە دادگەهـ کرن
ئەڤرۆ نیوز:
وەزیرێ ناڤخۆ یێ هەرێما کوردستانێ راگەهاند، ئەو کەسێن کو هەلگرێ ڤایرۆسێ کۆرۆنا یێ بوون و ئەوێن پشکداری د بەهیا هەولێرێ دا کرین، دەمێ چێببن دێ هێنە دادگەهـ کرن.
ئەڤرۆ دوشەمبی، رێبەر ئەحمەد وەزیرێ ناڤخۆ یێ هەرێمێ د کۆنفرانسەکێ رۆژنامەڤانی دا دیار کر، مە داخواز ژ پارێزگارێ هەولێرێ کریە، کو ب رێیا داخوازکارێ گشتی ئەو کەسێن هەلگرێ کۆرۆنایێ بوون و پشکداری د بەهیا هەولێرێ دا کرین و چێببنە ڤە، لدووڤ قانوونێ دێ مامەلە ل گەل وان دا هێتەکرن و بهێنە دادگەهـ کرن.
گۆت ژی، هەتا نوکە ب ئەگەرێ وێ بەهیێ ٧١ حالەتێن توشبوون ب کۆرۆنایێ هاتینە تۆمار کرن.
