وەزیرێ نەفتا عیراقێ: کێمکرنا بەرهەمئینانا نەفتێ دێ هەرێما کوردستانێ ژی ڤەگریت
ئەڤرۆ نیوز:
رۆژا پێنجشەمبی شاندەکێ هەرێما کوردستانێ دێ سەرەدانا بەغدا کەت و دێ ل گەل وەزارەتا نەفتا عیراقێ میکانزما کێمکرنا بەرهەمئینانا نەفتێ گۆتۆبێژ کەت، وەزیرێ نەفتا عیراقێ گۆتیە، کێمکرنا بەرهەمئینانا نەفتێ دێ هەرێما کوردستانێ ژی ڤەگریت.
سامر غەزبان، وەزیرێ نەفتا عیراقێ دیار کریە، شەرێ بهایێ نەفتێ دناڤبەرا سعودیێ و رووسیا هۆکارە بۆ داکەفتنا بهایێ نەفتێ، دەربارەی کێمکرنا بەرهەمئیناننا نەفتێ، ل رۆژا پێنجشەمبی 16-4-2020 شاندەکێ هەرێما کوردستانێ دێ سەرەدانا وەزارەتا نەفتا عیراقێ کەت، ب مەبەستا گوتۆبێژکرنا میکانزما کێمکرنا بەرهەمێ نەفتێ، کێمکرنا بەرهەمئینانا نەفتێ ل عیراقێ دێ هەرێما کوردستانێ ژی ڤەگڕیت.
