وەلاتیێن ئەڤان شوقێن دھۆکێ ئاوارەبوون
ئەڤرو نیوز : نەوزاد زادە ھلۆری:
دماوەیێ درۆستکرنا وان دا ، ئەڤە چەندین جارە ئاڤ ل شوقەیێن کایار ستی ل باژێرێ دھۆکێ دھێتەبرین ، و ئەڤە دوو روژە وەلاتیێن شوقێن ناڤبری دبێ ئاڤ ، وەلاتیەک دیاردکەت کو نھا ئاکنجیێن شوقێن ناڤبری ئاوارەیێ مالێن کەس و کارێن خوە دبن.
ئەمیر بەرواری ئاکنجیێ ئێک ژ شوقێن کایار ستی ل دھۆکێ بۆ ئەڤرو نیوز گۆت: (حالەتێ برینا ئاڤێ د ماوەیێ چێکرنا شوقەیێن کایار ستی ئەڤە چەندین جاران دووبارە بوو ، ئەڤە دوو روژە ئاڤ ل شوقێن کایار ستی نینە و زاروکێن مە دچنە ئەزموونان و ئاڤ نینە کو دەست و چاڤێن خوە پێ بشوون ، و ئەڤرۆ زاروکێن من ب ئاڤا ، ئاڤ تەزینیێ ( بەرادێ ) دەست و چاڤێن خوە شوشتنە و چووینە ئەزموونان)
زێدەتر گۆت: (ھەر چەندە مە پەیوەندی ب کارگێریا شوقێن کایار ستی کریە ، بەلێ ئەوان گوتیە ئاریشەیەک ھەیە و دێ چارەسەر کەین بەلێ ھەتا نھا چوو دیار نینە)
ل گورەی ئاخفتنێن ئەمیر ھەردەما کارەبا گشتی نەبیت سیستەمێ ئاڤا کایار ستی کارناکەت ، و ئەو نوکە ئاوارە دبن و قەستا مالا کەس و کارێن خوە دکەن ل دەرڤەیێ شوقێ و شوقەیێ بجە دھێلن)
ل گورەی زانیاریێن ئەڤرو نیوز شوقێن کایار ستی ژ ١٩ ئاڤاھیێن ٣٦ شوقەیی پێکدھێن.
