KFA: گه‌را دويێ ژ نايابا كوردستانێ
ئه‌ڤرۆ نیۆز، قه‌یس ئیسماعیل:
بڕیاره رۆژا پێنجشه‌مبێ یاریێن گه‌را دويێ ژ قووناغا ئێكێ یا خۆلا نايابا كۆردستانێ بهێنه كرن و تێدا دێ كلاسيكۆيێ دهۆك د ناڤبه‌را زێره‌ڤانى و دهۆك دا بيت.
د یاریا ئیكێ دا ئه‌وا دێ ب شیوه‌كێ ئێكسه‌ر هێته ڤه‌گوهاستن ژ لایێ كه‌نالێ وار سپورت یانا دهۆك ب وره‌یه‌كا بلند پشتێ سه‌ركه‌فتن سه‌ر یانا شێروانه ژ ده‌رڤه‌ێ یاریگه‌ها خوه ل سه‌رشێروانه تومار كرى دێ مێهڤانداریا یانا زێره‌ڤانێ قاره‌مانا وه‌رزێ بورێ كه‌ت ئه‌وا دێ هه‌ول ده‌ت سه‌ركه‌فتنا خوه یا ئیكێ تومار كه‌ت پشتێ وه‌كهه‌ڤیێ د گه‌ل یانا هندرێن و یانا زاخۆ پشتێ وه‌كهه ڤ ده‌ركه‌فتێ د یاریا خوه دا د گه‌ل یانا هه‌ولێر بێ گول دێ به‌ر ب باژێرێ سلێمانێ برێ كه‌ڤێت بۆ یاریێ د گه‌ل یانا سلێمانێ ئه‌وا یاریا ئیكێ نه‌كر ژ به‌ر نه ئاماده‌بوونا یانا پرۆسك ژ ئه‌گه‌رێ قه‌یرانا داريى.
د یاریا سیێ دا برایه‌تێ حنێرا گه‌را ئێكێ ب وه‌كهه‌ڤیا خوه د گه‌ل پێشمه‌رگا هه‌ولێرێ دێ میهڤانداریا یانا پێشمه‌رگا سلێمانیێ كه‌ت ئه‌وا خوساره‌ت بووى د گه‌ل نه‌ورۆز ب گوله‌كێ .
یاریا چارێ دێ د ناڤبه‌را یانا هه‌ولێر و ئێك ژ مفادارێن گه‌را ئێكێ تيما نه‌ورۆز كه‌ت ئه‌وا سه‌ركه‌فتى خوه ل سه‌ر پێشمه‌رگا سلێمانێ ب گوله‌كێ بێ به‌رامبه‌ر.
یاریا پێنجێ دێ یانا ئارارات جاڤه‌رێ سه‌ركفتنه‌كا ب ساناهێ بيت ده‌ما یانا شێروانه مێڤان دكه‌ت پشتێ سه‌ركه‌فتێ سه‌ر یانا كه‌ركووك 3-1 تۆماركرى و شێروانه دێ هه‌ول ده‌ت برینێن خوساره‌تیا ئێكێ د گه‌ل یانا دهۆك ده‌رمان كه‌ت.
ژ لایه‌كێ دى ڤه پێشبینیا یاریه‌كا ب هێز دهێته كرن د ناڤبه‌را یانا كه‌ركووك خودانا ئه‌رد وجه‌ماوه‌رى به‌رامبه‌ر یانا پێشمه‌رگا هه‌ولێر ئه‌وا دو خال ژ ده‌ست دان به‌رامبه‌ر یانا برایه‌تى ئه‌وا ژ خۆلا ئێكێ سه‌ركه‌فتیا خۆلا نایاب.
ياريا د ناڤبه‌را هندرين و برۆسك دا ناهێته كرن ژ ئه‌گه‌رێ خوه ڤه‌كێشانا برۆسك ژ ئه‌گه‌رێن دارايى و هه‌موو يارى دێ ل ده‌مژمێر 2:30 ده‌قيقه ل دووڤ ده‌مێ دهۆكێ هێنه ئه‌نجام دان.
