يانه‌كا كوردى چو خولا نايابا سويدى
ئه‌ڤرۆ نيوز:
يانا دالكورد بۆ جارا ئێكێ د مێژوويا خوه دا گه‌هشته خولا پله ئێك يا سويد يا به‌رنياس (ئه‌لسڤانسكان) ده‌مێ ئه‌ڤرۆ ل ناڤ ياريگه‌هـ و پشته‌ڤانێن خوه ب گۆله‌كێ به‌رامبه‌ر سه‌ركه‌فتن ل سه‌ر يانا گايس گوتێنبێرگ تۆمار كرى.
يارى ل ناڤ ياريگه‌ها تايبه‌ت ب دالكورد ژ گه‌را 29ێ يا خولێ ب رێڤه چوو، د ڤێ ياريێ دا خاله‌ك ب تنێ به‌س بوو بۆ يانا دالكورد كو ده‌رباز ببيت، به‌لێ راوێژ لاوان ئاخفتنا خوه يا تايبه‌ت هه‌بوو ده‌مێ شيايى ل نيڤا دويێ ژ ياريێ گولا ئێكانه يا ياريێ تۆمار بكه‌ت.
يانا دالكورد يانه‌كا كوردى يه و د ناڤ لۆگۆيێ وێ ژى دا ئالايێ كوردستانێ هه‌يه و دێ ب ره‌نگه‌كێ فه‌رمى د ناڤ خۆلا نايابا وه‌لاتێ سويد دا ياريێ كه‌ت.
