يونامى ئامارا قوربانيێن چريا ئێكێ ل عيراقێ راگه‌هاند
ئه‌ڤرۆ نيوز:
هنارتيێ نه‌ته‌وێن ئێكگرتى ل عيراقێ، يونامى، راگه‌هاند كو 1983 عيراقى كوشتى و بريندارێن هه‌يڤا بۆرى بوون و ئه‌ڤ ژماره ژى ژ هه‌يڤا به‌رى وێ زێده‌تره كو ل هه‌يڤا ئيلۆنێ 1923 كه‌س ببوونه قوربانى.
يونامى د به‌ياننامه‌كێ دا كو دانه‌ك ئه‌ڤرۆ نيوز هنارتيه ئاماژه ب وێ چه‌ندێ كريه كو 714 كه‌س هاتينه كوشتن و 1269 كه‌س بريندار بووينه ژ ئه‌نجامێ وان كريارێن توندوتژى و كوشتنێ ل هه‌يڤا چريا ئێكێ يا 2015ێ.
ژمارا ئه‌و كه‌سێن مه‌ده‌نى ژى ئاشكه‌را كريه يێن هاتينه كوشتن كو 559 كه‌س بووينه كو ژ وان 25 ژ پۆليسان و 1067 بريندار بووينه و ژ وان ژى 43 ژى پۆليس بوون و هێزێن ئه‌منى و حه‌شه‌د شه‌عبى و پێشمه‌رگه ژى 155 هاتينه كوشتن و شه‌هيد بووينه و 202 ژى بريندار بووينه، “ئه‌ڤ ئاماره قوربانيێن كريارێن ئه‌نبار ب خوه ڤه ناگريت”.
ژ ڤێ رێژێ ژى ئاماژه ب وێ چه‌ندێ كريه كو به‌غدا خودانا قوربانيێن هه‌رى مه‌زنه كو 1159 كه‌سن و ژ وان 298 كوشتى و 852 بريندار و پاشان ديالا 92 كوشتى و 141 بريندار و مووسل 86 كوشتى و سه‌لاحه‌دين 28 كوشتى و 40 بريندار و كه‌ركووك 39 كوشتى و حه‌فت بريندار.
