١٠٠ میگاواتێن کارەبێ دێ بۆ دھۆکێ ھێنە زێدەکرن
ئەڤرۆ نیوز:
ئەندازیار کەمال محەمەد سالح، رێڤەبەرێ گشتیێ کارەبا پارێزگەھا دھۆکێ بۆ رۆژناما ئەڤرۆ دیارکر پشتی فشارێن وان یێن بەردەوام ل گەل لایەنێن پەیوەندیدار بو چارسەرکرنا ئاریشا کارەبا دھۆکێ.
دیارکر ژی کو بەرێز نێچیرڤان بارزانی، سەرۆکێ ھەرێما کوردستانێ، سەرۆکێ دیوانا ئەنجومەنێ وەزیران و وەزیرێ سامانێن سروشتی و بریکارێ وەزارەتا کارەبێ راسپاردن بۆ چارەسەرکرنا ئاریشا کارەبا پارێزگەھا دھۆکێ.
رێڤەبەرێ گشتیێ کارەبا پارێزگەھا دھۆکێ دیارکر ژی کو بڕیار ھاتە دان رۆژانە ملیونەک و دوسەد ھزار لترێن گازوایلێ ل شوونا ٧٠٠٠٠٠ حەفتسەد ھزرا لیتران بھێنە دابینکرن و دیسا رۆژانە ١٠٠ میگاواتێن کارەبێ دێ ل سەر یا کواشێ ھێنە زێدەکرن و گۆت: پرۆژێ ھێلا ١٣٢ کیلوڤولت ژی ل ڤێ حەفتیێ دناڤبەرا دھۆک و ھەولێرێ دا دێ ھێتە ئیحالەکرن.
ئەندازیار کەمال محەمەد سالح دیارکر ژی کو پشتی ئەڤ بریارە دھێنە بجھئینان کارەبا دھۆکێ رۆژانە سێ دەمژمێران دێ زێدەبیت.