١٥ قومارچی ل دھۆکێ ھاتنە دەستەسەرکرن
ئەڤرۆ، رێوار مزیری:
بەرپرسێ پشکا پەیوەندی و راگەھاندنا رێڤەبەریا پۆلیسێن پارێزگەھا دھۆکێ دیار کر کو ل رۆژا پێنجشەمبی یا بۆری ١٦/١٠/٢٠١٤ ل دەمژمێر ٩:٣٠ شەڤ ھژمارەکا قۆمارچیا ل بیستانەکێ پارێزگەھا دھۆکێ دەستەسەرکرن.
نەقیبێ مافپەروەر ھێمن سلێمان ئەترووشی بۆ رۆژناما ئەڤرۆ گۆت”پۆلیسێن چالاکیێن مەدەنی دگەل پۆلیسێن ھەوارھاتنێ ل دھۆکێ شیان ١٥ قۆمارچیا ل ناڤ بیستانەکێ پارێزگەھا دھۆکێ و دگەل پەرکێن وان یێن کۆمکانێ و ١٣٣ پیلێن قومارێ دەستەسەر بکەن”.
ناڤھاتی ئاماژە دا وێ چەندێ ژی کو ئەڤ قومارچیە ھاتنە رەوانەکرن بۆ بنگەھێ نەورۆز یێ پۆلیسان و ب بریارا دادوەرێ ڤەکۆلینێ ھاتنە زیندانکرن و ل دووڤ بەندێ ٣٨٩ ژ قانوونا سزایێن عیراقی.
