پارتى ب مه‌رج دێ پشكداريێ دهه‌لبژارتنێن عيراقێ دا كه‌ت
ئه‌ڤرۆنيۆز:
پارتى هێشتا بريارا دووماهيێ ل دۆر پشكداريێ دهه‌لبژارتنێن داهاتى يێن په‌رله‌مانێ عيراقێ دا نه‌دايه، به‌لێ ناڤێ خوه وه‌كو قه‌واره ل كۆمسيۆنا هه‌لبژارتنان يێ تۆماركرى ومه‌رج ژى بۆ پشكداريێ يێن هه‌ين.
خسرۆ گۆران، به‌رپرسێ ده‌زگه‌هێ هه‌لبژارتێن پارتى ديموكراتى كوردستان، دداخۆيانيه‌كێ دا بۆ رووداو پشكداريا پارتى دهه‌لبژارتنێن عيراقێ دا ب چه‌ند مه‌رجان ڤه گرێدده‌ت ودبێژيت، ئه‌ڤ پرسه گرێداى ره‌وشا مه‌يه ل گه‌ل به‌غدا كا ل مه‌هێن داهاتى دێ چ لێهێت وئه‌و كێشێن رووداين دێ چاوان هێنه چاره‌كرن و هه‌كه هه‌موو تشته‌ك بهێته چاره‌كرن، وى ده‌مى دێ بريار بۆ هێته دان.
ئاشكرا ژى دكه‌ت كو هێشتا پارتى بريار نه‌دايه كا دێ هه‌ڤپه‌يمانيێ ل گه‌ل چ لايه‌ن ل به‌غدا گرێده‌ت وگۆت، هێشتا زوويه بۆ ڤێ چه‌ندێ چونكى ئه‌ڤه گرێداى ئێكرێزيا ناڤمالا كوردى يه.
ئارێز عه‌بدوللا سه‌رۆكێ فراكسيۆنا ئێكه‌تيێ ل په‌رله‌مانێ عيراقێ دبێژيت، ئێكه‌تى دێ پشكدار بيت دهه‌لبژارتنێن په‌رله‌مانێ عيراقێ دا وئاماژێ دده‌ت كوردان وه‌كو جاران پێگه‌هێ خوه ل به‌غدا نه‌مايه.
ل 15 گۆلانا 2018 دێ هه‌لبژارتنێن خۆلا چارێ يا په‌رله‌مانێ عيراقێ هێنه ئه‌نجامدان.