پارتى دێ ده‌نگێن خوه زێده كه‌ت
ئه‌ڤرۆ نيوز:
کارگێرەکێ لقێ 26ێ گولان یا پارتی دیموکراتی کوردستان راگەھاند : پێشبینی دکەم ریِژا دەنگ و کورسیێن پارتی بۆ پەرلەمانێ کوردستانێ زێدەبن و ژبەر چەند ئەگەرەکا کو بەردەوامە ل سەر رێیا کوردایەتیێ و گرنگی دان ب داخوازیێن خەلکی و پاراستنا و مانەڤەیا ھەرێما کوردستانێ وئەڤە بۆینە ئەگەر باوەریا خەلکی پتر ب پارتی بھێت ،پارتی بەرپرسا ئێکێ بۆ ل ھەمو وان گەڤ و شەرێن ھاتیە سەر کوردستانێ وەک شەرێ داعش و قەیرانا دارایی و رودانێن 16 ێ ئوکتوبەرێ ئەڤە ژی زەلالە کو پارتی خوە ل بەرپرسیاریەتیێ نەڤەشارتیە شیا بەردەوام بیت ھەتا ئاراستەیێ شەری گوھری بۆ ئاشتی و ئاڤەدانی و پاراستنا ھەرێمی ،دڤێت ژ بیرنەکەین ھێشتا مە قوناغا شورەشگێری دەرباز نەکریە ھەتا نوکەژی ئاخ و وەلاتێ مەیێ داگیرکریە پاراستی نیە ھەردەم ئارمانجا دوژمناینە ، دوژمن ب ناڤێن جودا ھێرشێ دکەنە سەر کوردستانێ ، ھەمو بزاڤێن پارتی بۆ وێ چەندێ نە حکومەتەکا ھەڤپەیمانی و نیشتیمانی ھەبیت ،پوست و پلە بۆ پارتی گرنگ نینە.
تەھا ناوەندی کارگێری لقێ 26 ێ گولان یا پارتی دیموکراتی کوردستان بۆ روژناما ئەڤرۆ گوت: پارتی باوەریەکا تەمام ب دیموکراسیێ و گوھۆرینا دەسھەلاتێ ھەیە، ئێک ژ پرەنسیبێت پێشکەفتنا حوکمرانیێ گوھۆرینا دەسھەلاتێ یە و ئوپوزوسیونەکا راستبێژ و پاقژ ،ھەر وەک چەوا ل دەمێ بۆری حوکمرانیێ شاشی تێدا ھەبۆن بەلێ ئوپوزوسیون ژی یا تژی بۆ ژ کێماسیا ، ئەگەر ئوپوزوسیون لسەر بنەمایێ تەمامکاریا حوکمرانیێ بیت ل خزمەتا خەلکی و ئاخا ھەرێما کوردستانێ دا بیت وەک دەزگەھەکێ دامەرزاندی یێ ئیداریێ گرنگە چاڤدیریا ئوپوزوسیونێ، کابینا ھەشتێ یا حوکمەتا ھەرێمێ ب تەوافقا سیاسی ھاتە پێکئینان بەلێ پشکەکا لایەنێن پشکدار رێز ل بریرا خوە نەگرت ئەڤە ژی بۆ ئەگەر کو ئابۆریا ھەرێمێ باش نەبیت و گەشەیێ نەکەت سەرەرای گەفێن دەردورو ئاریشێن نافخویی حوکمەت بەردەوام بۆ ل چاکسازی کرنێ بۆ خەلکێ کوردستانێ خەلک ژی یێ خوە راگرو پشتەڤان بوو بەلێ ھژمارەکا وەزارەتا مانە بێ وەزیر وەک پێدڤی پروژە ل وان وەزارەتا نەھاتنە بجھکرن نەشیان چاکسازیا دروست بکەن.
ناوەندی ئاشکراکر، نوکە ناڤ مالا شیعە و سونەیا پارچە پارچە بۆیە حوکمەتا بۆریا عیراقێ بێی کوردان ھاتە پێکئینان، بەلێ نوکە ژبەر ئالوزیێن ناڤبەرا واندا نەشێن کورسیێن پێدڤی ب دەستڤەبینن ھەتا حوکمەتێ پێکبینن ،نوکە عیراقێ پێدڤیەکا زور ب کوردستانێ ھەیە ژلایێ دەنگ و کوررسیان ڤە ژلایێ پێکھاتەیی ڤە ل ناڤ کوردان ژی پارتی وەک ئێکەما سەر ئاستێ عیراقێ مەرجێ سەرەکیێ پارتی بجھکرنا ماددێ 140 و شەراکەتا راستەقینەیا پاراستنا مافێن قانونیە بۆ ھەرێما کوردستانێ .
