پارتى: كێشا گيروبوونا موچان چاره‌بوو
ئه‌ڤرۆ نيوز:
مه‌كته‌با رێكخستنا پارتى ديموكراتى كوردستان د مالپه‌رێ خوه يێ فه‌رمى دا، به‌لاڤ كريه كو سوبه حكومه‌تا هه‌رێمێ دێ كوم بيت و پلانه‌كا نوى بۆ به‌لاڤكرنا موچێن فه‌رمانبه‌ران بجهـ ئينيت و ل دووڤ پلانێ ڤێ حه‌فتيێ دێ ده‌ست ب به‌لاڤكرنا موچان هێته كرن.
ژێده‌ره‌كێ ژ حكومه‌تا هه‌رێمێ بۆ مالپه‌رێ مه‌كته‌با رێكخستنا پارتى ديموكراتى كوردستان دياركريه كو د كومبوونا سوبه دا دێ بريار هێته دان كو دڤێ حه‌فتيێ دا دێ موچێ هه‌موو وه‌زاره‌ت و ده‌سته‌يێن حكومه‌تێ هێنه به‌لاڤكرن و نيڤ موچه‌يێ ماموستايان ژى بهێته به‌لاڤكرن و ژ ئه‌ڤرۆ پێدا ل دووڤ پلانا حكومه‌تێ كانێ دێ چه‌ند ژ مووچه‌ى هێته دان، ئێدى بێ گيروبوون و ل ده‌مێ خودا دێ هێته به‌لاڤكرن.
