پارتى و گۆڕان رێكه‌فتنا ناڤبه‌را خوه ب فه‌رمى ئيمزا كر
ئه‌ڤرۆ نيوز:
ئه‌ڤرۆ ل پيرمام پارتى ديموكراتى كوردستان و بزاڤا گۆڕان كۆم بوون و رێكه‌فتنا ناڤبه‌را هه‌ردولا هاته ئيمزا كرن.
د كۆنگره‌كێ رۆژنامه‌ڤانى دا، د. رۆژ نورى شاويس راگه‌هاند كو بۆ پاراستنا ده‌ستكه‌فتێن ملله‌تێ مه، مه ب فه‌ر ديت ڤێ رێكه‌فتنێ ئيمزا بكه‌ين.
نوونه‌رێ بزاڤا گۆڕان ژى، جه‌لال جه‌هوه‌ر، پيرۆزباهيا خه‌لكێ كوردستانێ كر ب هه‌لكه‌فتنا ئيمزاكرنا ڤێ رێكه‌فتنێ و خواست هه‌موو لايه‌ن بچن و پشكدارى حوكمه‌تا هه‌رێما كوردستانێ بن دا كو پێكڤه كار بكه‌ن ژ ڤان قه‌يرانان ده‌رباز ببن.
رێكه‌فتنا ناڤبه‌را پارتى ديموكراتى كوردستان و بزاڤا گۆڕان ژ 30 خالان پێك دهێت كو 18 خال گرێداى هه‌رێما كوردستانێ و 12 خال ژى گرێداى به‌غدا نه.
بزاڤا گۆڕان وه‌كو دايه دياركرن ژ بۆ وێ مه‌ره‌مێ يه كو زێده‌تر خزمه‌تێ بكه‌ت و ئێك هه‌لويست بيت ل گه‌ل پارتى ديموكراتى كوردستان ل سه‌ر ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ ژى دا.
بزاڤا گۆڕان د ڤێ رێكه‌فتنێ دا، شه‌ش هه‌يڤ ژى ده‌ستنيشان كرينه كو د وى ماوه‌ى دا دێ ته‌ماشه‌ى رێكه‌فتنێ كه‌ت كا چه‌ند ژێ هاتيه بجهئينان.
