پارتى و گۆڕان سوبه‌هى دێ كۆم بن
ئه‌ڤرۆ نيوز:
سوبه‌هى ل هه‌ولێر نوونه‌رێن هه‌ر ئێك ژ پارتى و ئێكه‌تى و گۆڕان و ئێكگرتوو و كۆمه‌لا ئيسلامى ل ديدارا “ميرى” ل سه‌ر كاودانێن سياسى يێن ناڤخۆ و ده‌رڤه يێن هه‌رێما كوردستانێ دانوستاندنێ كه‌ن.
ب گۆره‌يى ئه‌و به‌رنامێ ديدارا “ميرى” كو دێ سێ رۆژا ڤه‌كێشيت، بڕياره سبه‌هى 5ى چريا دويێ هه‌ر ئێك ژ محه‌مه‌د فه‌ره‌ج ئه‌ميندارێ گشتيێ ئێكگرتوو ئيسلامى كوردستان و عه‌لى باپير ئه‌ميرێ كۆمه‌لا ئيسلامى و فازل ميرانێ سكرتێرێ پارتى ديموكراتى كوردستان و ئارام شێخ محه‌مه‌د ئه‌ندامێ جڤاتا نشتيمانيا گۆڕان و عه‌دنا مفتى ئه‌ندامێ مه‌كته‌با سياسى يا ئێكه‌تى نشتيمانى كوردستان ل سه‌ر قه‌يرانێن ناڤخۆ و ده‌رڤه يێن هه‌رێمێ دانوستاندنێ كه‌ن.
ئه‌ڤه روو ب رووبوونه دبيته ديدارا ئێكێ يا پێنجقولى پشتى دروستبوونا كێشێن ڤێ دووماهيێ يێن هه‌رێمێ و هێرشكرنا سه‌ر باره‌گايێن پارتى و سۆتنا وان و دوورخستنا وه‌زيرێن گۆڕان و رێگريكرن ل سه‌رۆكێ په‌رله‌مانى و چوونا وى بۆ ناڤ هه‌ولێر.
