پارتى یا به‌رهه‌ڤ نینه پێشوازیێ ل شاندێ هه‌ڤپشكێ ئێكه‌تیێ و گۆڕان بكه‌ت
ئه‌ڤرۆ نیوز:
نێچیرڤان بارزانى جێگرێ سه‌رۆكێ پارتى دیموكراتى كوردستان راگه‌هاند ئه‌و نه دبه‌رهه‌ڤن پێشوازیا شاندێ هه‌ڤپشكێ ئێكه‌تیێ و گۆڕان بكه‌ت بۆ دانوستاندن و ده‌ربازكرنا قه‌یرانا سیاسى یا هه‌رێمێ، به‌لێ د به‌رهه‌ڤن جودا جودا پێشوازیێ لێ بكه‌ن.
ئه‌ڤرۆ نێچیرڤان بارزانى جێگرێ سه‌رۆكێ پارتى سه‌را سلێمانیێ دا و چوو باره‌گایێ سه‌ركردایه‌تیا حزبى خوه ل وى باژارى و پشتى كومبوونا ل گه‌ل ئه‌دهه‌م بارزانى د كۆنگره‌یه‌كێ رۆژنامه‌ڤانى دا گۆت” ئه‌ز یێ هاتیمه سلێمانیێ دا پیرۆباهێ ل ئه‌دهه‌م بارزانى بكه‌م پشتى كو وه‌ك سه‌رۆكێ جڤاتا سه‌ركردایه‌تیا پارتى ل سلێمانیێ ده‌ست ب كاربووى”.
نێچیرڤان بارزانى سه‌باره‌ت وێ یه‌كێ كانێ دێ سه‌ره‌دانا مام جه‌لال سكرتێرێ گشتى یێ ئێكه‌تیێ و نه‌وشیروان مسته‌فا رێكخه‌رێ گشتى یێ بزاڤا گۆڕان ده‌ت، گوتى: سه‌ره‌دانا مام جه‌لال و چ كه‌سه‌كى دى ناكه‌م.
