پارتى 11 ئادارێ ل جه‌ماوه‌رێ كوردستانێ پيرۆز دكه‌ت
ئه‌ڤرۆ نيوز:
مه‌كته‌با سياسى يا پارتى ديموكراتى كوردستان، ب هه‌لكه‌فتا 48 ساليا رێككه‌فتنا 11 ئادارا 1970 ێ، په‌يامه‌ك به‌لاڤ كريه و پيرۆزباهي ل هه‌موو گه‌لێ كوردستانێ دكه‌ت.
د په‌يامێ دا ئاماژه ب وێ يه‌كێ كريه كو ل سه‌ر ئاستێ ده‌ڤه‌رێ و جيهانێ مه گه‌له‌ك پێدڤى ب كار و خه‌باتا به‌رده‌وام هه‌يه ژ ئاليێ سياسى و دبلوماسى ڤه بۆ بهێزكرن و پاراستن و به‌ره‌ڤانيكرن ژ قه‌وارێ سياسى يێ شه‌رعى يێ هه‌رێما كوردستانێ و ده‌ستكه‌فتێن مه و بده‌ستڤه‌ئينانا هه‌موو مافێن گه‌لێ مه.
