پارتى 65 ساليا دامه‌زراندنا ئێكه‌تيا ئافره‌تان پيرۆز دكه‌ت
ئه‌ڤرۆ نيوز:
مه‌كته‌با سياسى يا پارتى ديموكراتى كوردستان ب هه‌لكه‌فتا 65 ساليا دامه‌زراندنا ئێكه‌تيا ئافره‌تێن كوردستانێ په‌يامه‌كا پيروزباهيێ به‌لاڤ كريه و گه‌رمترين پيرۆزباهى ل سكرتێر و ئه‌ندامێن مه‌كته‌با سكرتاريه‌ت و هه‌ڤالێن جڤاتا بلندا ئێكه‌تيا ئافره‌تێن كوردستانێ كريه.
مه‌كته‌با سياسى يا پارتى ديموكراتى كوردستان دياركر كو ئێكه‌تيا ئافره‌تان شيايه د ته‌مه‌نێ خوه‌دا، رۆله‌كێ به‌رچاڤ مل ب ملێ خه‌باتا رزگاريخوازا گه‌ل و بزاڤا سياسى ل هه‌موو قوناغ و شێوازێن خه‌باتێ بگێريت.
مه‌كته‌با سياسى يا پارتى ديموكراتى كوردستان پشته‌ڤانيا خوه بۆ بۆ ئێكه‌تيا ئافره‌تان دووپات كريه‌ڤه و هيڤى خواستيه هه‌رده‌م پێشه‌نگ بن بۆ بده‌ستڤه‌ئينانا گشت ماف و داخوازيێن ئافره‌تان.
