پارتی به‌رپرسێن سه‌ركرداتیێ ل سلێمانیێ و کەرکووکێ گوهارتن
ئەڤرۆ نیوز ، زنار تۆڤی:
پارتی دیموکراتی کوردستان دەست ب گوهۆرینێن نافخوەیی کریە و د چارچووڤێ وان گوهۆرینان دا، پارتی به‌رپرسێن هه‌ردو جڤاتێن سه‌ركرداتیا خوه ل كه‌ركووك و سلێمانیێ گوهارتن.
مەکتەبا سیاسی یا پارتی د دووماهی کۆمبوونا خوە دا بریار دایە کو گوهۆرینێن مەزن یێن ناڤخوەیی داڤا حزبێ دا ل سەر ئاستێ لق و مەکتەبان دا بکەت، ژ وان گوهۆرینان پارتی ل سه‌ر ئاستێ سه‌ركرداتیێ عارف ته‌یفور كره به‌رپرسێ جڤاتا سه‌ركرداتیا پارتی ل سلێمانیێ و هه‌له‌بچه، هه‌روه‌سا دكتور كه‌مال كه‌ركووكی كره به‌رپرسێ جڤاتا سه‌ركرداتیا پارتی ل كه‌ركووك و گه‌رمیان.
لدووڤ بریارا مەکتەبا سیاسی یا پارتی، ئەڤ گوهۆرینە دێ لق و مەکتەبێن پارتی، ل هه‌موو دەڤەرێن هەرێمێ ڤەگرن و پارتی ل بەرە کۆمەکا کادرێن خوە یێن گەنج بگەهینیتە جهێ بریارێ.