پارتی بەربژارێن خوە ل ئامێدیێ دانە نیاسین
ئەڤرۆ نیوز، نەوزاد ھلۆری:
دەمەکێ کێم بەری نوکە لقێ 18ێ پارتی دیموکراتی کوردستان بەربژارێن خوە ل سنوورێ قەزا ئامێدیێ دانە نیاسین ، و بەرپرسێ لقێ د گوتارەکێ دا دایە دیارکرن کو پارتی چوو جاران بو دوژمنان خوە نەچەماندیە.
عومەر ئورەیی بەرپرسێ لقێ 18ێ پارتی دیموکراتی کوردستان ل امێدیێ دیارکر کو پارتی زامنێ دەستکەفتنێ نەتەوەیی و ئاینی و سیاسی و جڤاکیێ کوردستانێ یە و گۆت: (ھندی پارتی یا ب ھێزبیت دێ دەستکەفتێن کوردستانێ باشتر ھێنە پاراستن و گەرنتیکرن ژبەرکو پارتی خودانا پرۆژەیەکێ ب ھێز یێ نەتەوەی و نیشتمانیە و دەھان شەھید و قوربانیدان بو بزاڤا رزگاریخوازیا کوردستانێ دانەھەتا کو ئەڤ پوناغا نوو ھاتیە درۆستکرن).
زێدەتر گۆت: (دنھادا کو ئەم یێ بەر ب قوناغەکا نوو یا حوکمرانیا کوردستانێ دچین ، پارتی پێدڤی ب دەنگێ ھەوەیە داکو ب شێوازەکێ باشتر و ژ ھەژی تر لسەر شونا خزمەتا خەلکێ کوردستانێ و پاراستنا دەستکەفتنێن نەتەوەیی ئەڤێن ھاتیە دەستڤەئینان بھێنە پاراستن، و پارتی ئەو ھێز بویە ئەڤا بەرسێنگێ داعشێ و حەشد شەعبی گرتی کو زێدەتر نەھێنە پێش و ئارامیا کوردستانێ تێکنەدەن، و پارتی چوو جاران بو دومنان خوە نەچەماندیە و ناچەمینیت ژی).
