پارتی دێ دو به‌رپرسێن خوه گوهۆڕیت
ئه‌ڤرۆ نیۆز، قائید میرۆ:
پارتی دیموكراتی كوردستان بڕیاردایه به‌رپرسێ مه‌كته‌با رێكخستن و ده‌زگه‌هێ هه‌لبژارتنان بهێنه لادان و دو كه‌سێن دی ل جهێ وان بهێنه دانان.
ژێده‌ره‌كێ به‌رپرس ژ پارتی دیموكراتی كوردستان بۆ ئه‌ڤرۆ نیۆز راگه‌هاند” د كۆمبوونا جڤاتا سه‌ركردایه‌تیا پارتی دیموكراتی كوردستان بڕیار هاتیه دان هه‌ر ئێك ژ دكتۆر جه‌عفه‌ر ئێمنكی و خه‌سرۆ گۆران ژ پۆستێن وان یێن حزبی بهێنه لادان، ئه‌وژی مه‌كته‌با رێكخستنه ژلایێ جه‌عفه‌ر ئێمنكی و ده‌زگه‌هێ هه‌لبژارتنان ژلایێ خه‌سرۆ گۆران.
ژێده‌ری نه‌ڤیا ناڤێ وی بهێته به‌لافكرن دیاركر، لادانا هه‌ردو به‌رپرسێن پارتی ژبۆی وێ چه‌ندێ ڤه‌دگه‌ڕیت هه‌تا بشێن كارێن خوه یێن په‌رله‌مانی بڕێڤه‌ببه‌ن و ده‌مێ خوه بۆ كارێ په‌رله‌مانی ته‌رخان بكه‌ن.
