پارتی دێ دەست ب دانوستاندنان کەت
ئەڤرۆ نيوز:
سەرۆکێ جڤاتا سەرکرداتیا پارتی دیمۆکراتی کوردستان ل ھەولێرێ راگەھاند، د چەند رۆژێن بھێت دا، پارتی بێی تاقمێ گۆڕان، دێ دەست ب دانوستاندنێن ل گەل ئالیێن سیاسی کەت.
کاکەمین نەجار ئەندامێ مەکتەبا سیاسی و سەرۆکێ جڤاتا سەرکرداتیا پارتی ل ھەولێرێ دیار کر د قۆناغا ئێکێ دا تاقمێ گۆڕان ژ حوکمەتێ ھاتە دەرخستن و د قۆناغا دویێ دا، پارتی ل گەل ھەموو ئالیێن سیاسی ژ بلی وان دێ دەست ب دانوستاندنان کەت، داکو پۆستێن تاقمێ گۆڕان بھێنە پڕکرن و گۆت:(نوکە سێ بژاردە ل ھەمبەر پارتی و ئالیێن سیاسی یێن ھەین، ئەو ژی ب رێککەفتن پۆستێن گۆران د حوکمەتێ دا بھێنە پڕکرن، یان کابینەکا نوو بھێتە پێکئینان، یان ژی وەزیرێن نوکە ب وەکالەت کاروبارێن وان وەزارەتان برێڤەببەن).
