پارتی: دێ مه به‌ربژار بۆ پۆستێ سه‌رۆك كۆمارا عيراقێ هه‌بيت
ئه‌ڤرۆنيوز:
ژێده‌ره‌كێ بلند ل مه‌كته‌با سياسى يا پارتى ديموكراتى كوردستان راگه‌هاند، پارتى ده‌ستبه‌ردارى پۆستێ سه‌رۆكاتيا كۆمارا عيراقێ نابيت ودێ به‌ربژار بۆ وى پۆستى هه‌بيت.
وى ژێده‌رى دياركر هه‌بوونا به‌ربژاره‌كێ پارتى بۆ وى پۆستى، په‌يوه‌ندى ب وێ چه‌ندێ ڤه نينه كا ئێكه‌تيێ دێ به‌ربژاره‌ك بۆ وى پۆستى هه‌بيت يان نه.
وى ژێده‌رێ مه‌كته‌با سياسى يا پارتى زێده‌تر بۆ كه‌نالێ كوردستان 24 گۆت” ڤێ جارێ پۆستێ سه‌رۆك كۆمارا عيراقێ دێ بۆ پارتى ديموكراتى كوردستان بيت وئه‌و پۆسته پشكا پارتى يه وه‌كو مه‌زنترين هيزا سياسى يا كوردستانێ وئێكه‌م حزبا سه‌ركه‌فتى دهه‌لبژارتنێن 12 گۆلانا 2018 يێن په‌رله‌مانێ عيراقێ.
