پارتی: مە دانوستان و رێکەفتنێن نھێنی ل گەل گۆڕان نینن
ئەڤرۆ نیۆز، قائید میرۆ:
پەرلەمانتارەکێ فڕاکسیۆنا پارتی دیموکراتی کوردستان رەتکر، پارتی بەرنامە ھەبیت بۆ لادانا دەستەیا سەرۆکایەتیا پەرلەمانی و دانانا سێ کەسێن دى بۆ ڤان پۆستان.
نازم کەبیر، پەرلەمانتارێ فڕاکسیۆنا پارتی ل پەرلەمانێ کوردستانێ بۆ ئەڤرۆ نیۆز گۆت: “پارتی ھەتا نوکە یا رژدە ل سەر لادانا یوسف مەحەمەد ژ پۆستێ سەرۆکێ پەرلەمانی و ھەلوێستێ پارتی د ڤێ ده‌بارەێ دا یێ نەگۆھۆڕە، بەلێ ھەتا نوکە بەرنامە نینە بۆ دانانا کەسەکێ دى ل شوونا سەرۆکێ بەرێ یێ پەرلەمانی و مايه ھەلاویستی”.
ل دۆر ھەلوەشاندنا دەستەیا سەرۆکایەتیا پەرلەمانی کەبیر گۆت: “پارتی چو نیەتێن وەسا نینن، زانیاریێن بەحسێ لادانا دەستەیا سەرۆکایەتیا پەرلەمانی دکەن د دوورن ژ راستیێ و رێکەفتن و دانوستانێن نھێنی مە ل گەل بزاڤا گۆڕان نینن”.
