پارە گەھشتە ھەرێمێ

ئەڤرۆ:

رێڤەبەرێ گشتی یێ دەستەیا ھەلبژارتنێن ھەرێما کوردستانێ ئاشکرا کر کو چەکێ پاداشتێن کارمەندێن ل سەر سندوقێن ھەلبژاتنێن ڤێ دووماھیێ گەھشتە ھەرێمێ و ل ڤێ حەفتیێ دێ دەست ب بەلاڤ کرنا وان ھێتە کرن.

مازن عەبدولقادر بۆ ئاژنسا دەنگوباسێن ناڤخۆ دیارکر کو چەکێ سەر سندۆقان ژ ئوفیسا نشتیمانی ل بەغدا وەرگرتیە و رەوانەی ئۆفیسێن پارێزگەھان کرینە، گۆت ژی نوکە ئامادەکاری دھێنە کرن بۆ بەلاڤ کرنێ، کو دێ ل 20 بانکێن ھەرێمێ کارمەند پارێ خوە وەرگرن بۆ ڤێ مەرەمێ ژی دێ 18 ملیار دینار چنە وان بانکان.

ل 30 ی نیسانا ئەڤ سالە ھەلبژارتنێن جڤاتا نوونەرێن عیراقێ و جڤاتا پارێزگەھێن ھەرێمێ بێکڤە ھاتنە کرن، کو ب ھزاران کارمەند ل سەر سندۆقان پشکدار ببون و ئەڤە حەفت ھەیڤە پاداشتێن خوە وەرنەگرتین.

کۆمێنتا تە