پارێزگارێ دهۆكێ: هه‌ر جه و كه‌سه‌كێ سه‌رپێچیا بڕیاران بكه‌ت دێ هێته سزادان
ئه‌ڤرۆ:
د. عه‌لی ته‌ته‌ر، پارێزگارێ دهۆكێ ب هه‌لكه‌فتا هاتنا مه‌ها ره‌مه‌زانا پیرۆز برۆسكه‌كا پیرۆزباهیێ به‌لاڤ كر و تێدا پیرۆزباهیان ئاراسته‌ی هه‌موو بوسلمانێن جیهانێ و هه‌رێما كوردستانێ، ب تایبه‌تی خه‌لكێ پارێزگه‌ها دهۆكێ دكه‌ت و تێدا هاتیه: هیڤیدارین هه‌یڤا خێر و به‌ره‌كه‌ت و خوشیێ بیت بۆ گه‌لێ مه و گیانێ مرۆڤایه‌تی و هاریكاریێ خورتر لێ بهێت.
دیسا هه‌ر ب مه‌ره‌ما پیرۆز راگرتنا هه‌یڤا ره‌مه‌زانێ، پارێزگارێ دهۆكێ چه‌ندین بڕیار راگه‌هاندن ژ وان ژی: پێدڤیه رێز ل هه‌یڤا ره‌مه‌زا پیرۆز بهێته گرتن و روژی شكاندن ب ئاشكرای نابیت بهێته كرن ل جهێن گشتی، جهێن فرۆتن و پێشكێشكرنا ڤه‌خوارنێن گیانی قه‌ده‌غه‌یه، نابیت ب چ ره‌نگه‌كی خوارن و ڤه‌خوارن ل فه‌رمانگه‌هێن میری بهێنه پێشكێشكرن و گازینۆ و قه‌هوه‌خانه ب رۆژ بهێنه ڤه‌كرن.
د بڕیارێن پارێزگاری دا هاتیه: “هه‌ر خوارنگه‌هه‌ك یان هه‌ر كه‌سه‌كێ سه‌رپێچیا بڕیاران د مه‌ها ره‌مه‌زانێ دا بكه‌ت، دێ هێته سزادان”.
دیسا هه‌ر ب هه‌مان هه‌لكه‌فت و پیرۆز راگرتنا هه‌یڤا ره‌مه‌زانێ، گۆهدار شێخۆ، سه‌رپه‌رشتێ ئیداره‌یا سه‌ربخوه یا زاخۆ هه‌شت بڕیار ده‌رئێخستن.
