پارێزگارێ دهۆكێ و شاندەكێ دەڤەرداریێن ئاكرێ و بەردەڕەشێ دوپاتیێ ل سەر باشتر خزمەتكرنا وەلاتیان دكەن
د. عەلی تەتەر، پارێزگارێ دهۆكێ، ل دیوانا پارێزگەهێ ل رۆژا 8/9/2026 پێشوازی ل شاندەكێ هەردو دەڤەرداریێن ئاكرێ و بەردەڕەشێ كر، كو پێكهاتبوو ژ د. مەردان خدر، بەرپرسێ لقێ نەهێ پارتی دیموكراتی كوردستان ل ئاكرێ، عەلی سالح، بەرپرسێ لقێ 27 یێ پارتی ل بەردەڕەشێ، د. دلاوەر بۆزۆ، دەڤەردارێ ئاكرێ و بڕوا فارووق، دەڤەردارێ بەردەڕەش د كۆمبوونەكێ دا ب تێر و تەسەلی بەحسی پێدڤیێن گرنگ یێن خزمەتگوزاری و گەشەپێدانا دەڤەرێن ئاكرێ و بەردەڕەشێ هاتە كرن، هەروەسا دانوستاندن ل سەر هەژمارەكا پڕۆژە و پێشنیاران هاتە كرن، یێن دشێن پشتەڤانیێ ل ژێرخانا دڤەرێ بكەن و رەوشا خزمەتگوزاری و ئاستێ ژیانا وەلاتیان باشتر بكەن.
دیسا د كۆمبوونێ دا، دوپاتی ل سەر گرنگیا هەماهەنگی و كاركرنا بەردەوام د ناڤبەرا ئیدارێن خۆجهی و لایەنێن پەیوەندیدار دا ل گەل پارێزگەها دهۆكێ هاتە كرن، دا كو چارەسەریێن گونجای بۆ ئاڕێشە و كێماسیێن دەڤەرێ بهێنە دیتن و لەز د بجهئینانا پڕۆژەیێن خزمەتگوزاری دا بهێتە كرن.
د دووماهیا كۆمبوونێ دا، هەموو لایەنان دوپاتی ل سەر بەردەوامیدان ب دووڤچوون و هەماهەنگیێ ل سەر داخوازی و پێدڤیێن هاتینە پێشكێشكرن كر، ل گەل كاركرنا هەڤپشك بۆ دابینكرنا پێدڤیێن ئاكرێ و بەردەڕەشێ و بلندكرنا ئاستێ خزمەتگوزاریان.
