پارێزگارێ دهۆکێ سەرەدانا پارکا نەوروز و جهێ ب خۆدانکرنا کۆتران دناڤا پارکێ دا کر
ئەڤرۆ رۆژا چوارشەمبی رێکەفتی ٢٠٢١/٢/١٠ بەرێز “د.عەلی تەتەر”پارێزگارێ دهۆکێ، پشتی دوهی دناڤ دەزگەهێن راگەهاندنێ و سۆشیال میدیایێ دا بەلاڤبوویی ئەو کۆترێن دناڤا پارکا نەوروز دا دێ هێنە راکرن. سەرەدانا پارکا نەوروز دناڤا سەنتەرێ بازارێ دهۆکێ کر . و ژ نێزیک ئاگەهداریی بابەتێ ناڤبری بوو.
پارێزگارێ دهۆکێ راگەهاند: زێدەگاڤی ل سەر ئەردێ باژێرڤانیێ ناهێتە قەبیلکرن لێ ژبۆ خودانکرنا کۆتران دناڤا پارکی دا ب شێوەکێ شارستانی و ل دویڤ رێنما و یاسا باژێرڤانیان دێ هەولا دابینکرنا جهەکی و چارەکرنا بابەتی کەین.
ژ هەژی گوتنێ یە دوهی دناڤا دەزگەهێن راگەهاندنێ و سۆشیال میدیایێ دا هاتبوو بەلاڤکرن کو کۆتر دێ ژ وی جهی هێنە راکرن لێ راستیا بابەتی ئەوە کو جهێ حەواندنا کۆتران زێدەگاڤیە ل سەر ئەردێ باژێرڤانیێ و پارکی لەوما پارێزگارێ دهۆکێ بریاردا ل دویڤ رێنما و یاسا جهەکێ ب گونجیت دێ هێتە دابینکرن و بابەت دێ چارە بیت.
