پارێزگارێ ديالا لژنه‌ك بۆ چاره‌كرنا كێشا مه‌نده‌لى پێكئينا
ئه‌ڤرۆ نيوز:
پارێزگارێ ديالا پێكئينانا لژنه‌كێ بۆ به‌رسڤدانا داخوازيێن خوه‌نيشانده‌رێن ناحيا مه‌نده‌لى و ڤه‌كرنا ده‌رگه‌هێ دانوستاندنێ ل گه‌ل لايه‌نێن كوردى راگه‌هاند.
دوهى ژماره‌كا وه‌لاتيێن پێكهاتێن عه‌ره‌ب خوه‌نيشاندانه‌ك ل ناحيا مه‌نده‌لى ئه‌نجام دا دژى ئه‌نجامدانا ريفراندۆمێ ل وى سنورى و ئالايێ كوردستانێ ئينا خوار.
مه‌سته‌فا ته‌ميمى پارێزگارێ ديالا د به‌ياننامه‌كێ دا راگه‌هاند كو حوكمه‌تا خوجهى يا رژده ل سه‌ر ئێكگرتنا پێكهاتێن ناحيا مه‌نده‌لى و داخواز ژى كر و په‌يانيێ ببه‌نه به‌ر دستوورى بۆ چاره‌كرنا هه‌رێ كێشه‌كێ.
گۆتژى: “لژنه‌كا هه‌ڤپشك بۆ به‌رسڤدانا داخوازيێن خوه‌نيشانده‌ران و ئه‌نجامدانا دانوستاندنێ ل گه‌ل لايه‌نێن كوردى پێكئينايه، بۆ كاركرن ل سه‌ر چاره‌كرنا كێشێن ناحيێ”.
ئه‌ڤ خۆنيشاندانه يا هه‌ڤده‌م بوو ل گه‌ل بڕيارا ڤه‌كرنا بنگه‌هه‌كى ژ لايێ كۆمسيۆنێ بۆ هه‌لبژارتن و راپرسيا هه‌رێما كوردستانێ و ده‌ڤه‌رێن كوردستانى يێن ده‌رڤه‌يى ئيدارا هه‌رێما كوردستانێ بۆ ئه‌نجامدانا ريفراندۆمێ.
به‌رى نوكه د كۆمبوونا جڤاتا ناحيا مه‌نده‌لى دا، ژ سه‌رجه‌مێ 13 ئه‌ندامان، 10 ئه‌ندامان ده‌نگ ب به‌لێ دايه دا كو پشكدارى ريفراندۆمێ ببن و سێ ئه‌ندامان ژى كو عه‌ره‌بێن شيعه‌نه ب سپى ده‌نگ دايه.
