پارێزگارێ سه‌لاحه‌دين: گرۆپه‌كێ حه‌شدێ دەست ب کوشتن و رەڤاندنا وەلاتیان کریە
ئه‌ڤرۆ نيوز:
ئاژانسا نووچێن عەرەبیە ل سەر زارێ ژێدەرەکێ لەشکری یێ عیراقی بەلاڤکریە کو شەڤا بۆری ھێزەکا عیراقێ ژبۆ باژێرێ دوجێل یێ سەر ب پارێزگەھا سەلاحەدین ھاتیە ھنارتن و قەدەغەیا ھاتنوچوونێ تێدا ھاتیە راگەھاندن ژ ئەگەرێ ئەوان شەرێن د ناڤبەرا وان و چەکدارێن عەسائیب ئەھلولحەق و پۆلیسێن عیراقێ ژ لایەکی ڤە و ھوزێن عەرەبێن وێ دەڤەرێ ژ لایەکێ دی ڤە.
ھەر دەربارەی ھاتنا وان میلیشیاتان، ئەحمەد عەبدولا جبۆری پارێزگارێ سەلاحەدین د داخۆیانیەکێ دا گۆت: “میلیشیاتێن عەسائیب ئەھلولحەق ھێزەکا مەزن ئینایە دەڤەرێ و ھێرش کریە سەر روونشتڤانێن دوجێل.
زێدەتر گۆت: “ھەر دیسا ھوزێن عەرەب ژی ھاتنا وان ھێزان رەد دکەن و داخواز دکەن خوە ژ وێ پارێزگەھێ ڤەکێشن ژ بەر کو ئەوان میلیشیاتان ل پارێزگەھا سەلاحەدین دەست ب کوشتن و رەڤاندنا وەلاتیان کریە”.
