پارێزگارێ نوو یێ ھەولێرێ ل ھەمبەر سەرۆکێ ھەرێمێ سویندا قانوونی خوار
ئەڤرۆ نیوز ، زنار تۆڤی:
پشتی دەرچوونا فەرمانا ھەرێمێ بۆ دەست بکاربوونا پارێزگارێ نوو یێ ھەولێرێ، ل سپێدەھیا ئەڤرۆ دوشەمبی 16/9/2019 د رێورەسمەکێدا ل ھەمبەر نێچیرڤان بارزانی، سەرۆکێ ھەرێما کوردستانێ، فەرسەت سۆفی وەک پارێزگاری نوو یێ ھەولێرێ سویندا قانوونی خوار.
د وێ ڕێورەسمێدا کو ڕێبەر ئەحمەد وەزیرێ نافخۆ ئامادە بوویە، سەرۆێ ھەرێمێ نێچیرڤان بارزانی پیرۆزباھی ل دەست بکاربوونێ ل فەرسەت سۆفی کر و ھیڤیا سەرکەفتنێ بۆ خواست، ھەروەسا سوپاس و پێزانینێن خوە بۆ کار و خزمەتێن نەوزاد ھادی، پارێزگارێ بەرێ یێ ھەولێرێ دەربرین.