پارێزگارێ کەرکوکێ هەموو بەرهەڤی بو ریفراندۆمێ هاتینەکرن و چو مەترسی نینن
ئەڤرۆ نیوز ، هلوری:
دەمەک بەریا نها پارێزگارێ کەرکوکێ ل بارا ئەنجامدانا ریفراندۆمێ ل کەرکوکێ پەیامەک بەلاڤکر و تێد دخوازە کو خەلکێ کەرکوکێ بچنە سەر سندوقێن دەنگدانێ و هەموو بەرهەڤی هاتینەکرن.
نەجمەدین کەریم پارێزگارێ کەرکوکێ د پەیاما خوە دا دیارکر کو ئەو ل گەل نونەرێ کومسیونا بلند یا هەلبژاردن و راپرسێ ئاخفتیە و هەموو بەرهەڤی هاتینەکرن بو ب رێڤەچونا پروسەیا ریفراندۆمێ و سندوق ل هەمان جهێن هەلبژاردنێن بەرێ هاتینەدانان ل سالا 2014.
زێدەتر دبێژیت: (ئەڤرۆ روژەکا دیروکی یە نسبەت خەلکێ کەرکوک و کوردستانێ ، ئەڤە بریارا چو حزبان و چوو کەسان نینە بەلکو بریارا خەلکێ کوردستانێ یە و بو ئایندیێ کوردستانێ یە ، هندەک جاران خەلک ترسێ پەیدا دکەن بەلێ د راستی دا کەرکوک ل هەموو دەمان ئارامترە ، چوو مەترسی لسەر کەرکوکێ نینن .و ئەو کەسێن کو ئەڤان پروپاکندان بەڵاڤ دکەن چو جاران نەڤیایە کەرکوک ئارام بیت بەلکو پێخوشبوویە ئارامیا کەرکوکێ تێکبچیت.
پارێزگارێ کەرکوکێ دیارکر ژی کو داخوازێ ژ هەموو خەلکێ کەرکوکێ دکەین کو د پروسەیا ریفراندۆمێ پشکداربن و بریارێ ل چارنڤیسێ خوە بدەن.
