پارێزگه‌رێ دهۆكێ دووڤچوونا ره‌وشا فه‌رمانگه‌ها ئاڤا دهۆكێ دكه‌ت
ئه‌ڤرۆنيوز:
بۆ دووڤچوونا ره‌وشا سازیێن میری وده‌واما فه‌رمانبه‌ران وزانینا ئاستێ خزمه‌تكرنا وه‌لاتیان وكێم وكاسیێن فه‌رمانگه‌هێن خزمه‌تكاری، ئه‌ڤرۆ پێنجشه‌مبى 5-7-2018 فه‌رهاد ئه‌مین پارێزگه‌رێ دهۆكێ سه‌را فه‌رمانگه‌ها ئاڤا دهۆكێ دا وژنێزیك سه‌حكره ره‌وشا فه‌رمانبه‌ر وكارمه‌ندێن فه‌رمانگه‌ها ناڤبری وپێگیریا وان ب ده‌واما فه‌رمی وئاستێ خزمه‌تكرنا وه‌لاتییان ،
پاشى پارێزگه‌رێ دهۆكێ كۆمبوونه‌ك ل گه‌ل (جلال جمیل) رێڤه‌به‌رێ فه‌رمانگه‌ها ئاڤا دهۆكێ سازكر وژنێزیك هایدار بوو ل سه‌ر ره‌وشا فه‌رمانگه‌هێ وكێم وكاسیێن لێ هه‌ین .
پارێزگه‌رێ دهۆكێ دياركر كو دڤێت هه‌موو رێڤه‌به‌ر وفه‌رمانبه‌رێن داموده‌زگه‌هێن میری پێگریێ ب ده‌واما خوه یا فه‌رمی وقانوونى بكه‌ن ول ده‌مێن ده‌ست نیشانكری ده‌ست ب كار وئه‌ركێن خوه بكه‌ن وسه‌ره‌ده‌ریه‌كا جوان وشارستانی ل گه‌ل وه‌لاتییان بكه‌ن وخزمه‌ته‌كا هه‌ژی پێشكێش بكه‌ن وبه‌رهه‌ڤیا كارگێریا پارێزگه‌هێ نیشان دا بۆچاره‌سه‌ركرنا هه‌موو كێم وكاسیان .
