پارێزگه‌رێ دهۆكێ پێشوازیا بالیۆزا پولونیا كر
ئه‌ڤرۆنيوز:
پارێزگه‌رێ دهۆكێ فه‌رهاد ئه‌مين ئه‌ڤرۆ پێنجشه‌مبى 31/5/2018 پێشوازیا بیه‌تا پیكسا بالیوزا وه‌لاتێ پولونیا ل عيراقێ و شاندێ دگه‌لدا كر.
دهه‌ڤدیتنه‌كێ دا ب ئاماده‌بونا قونسلێ پولونیا ل هه‌ولێرێ (دومینیك موزال ) به‌حسێ ره‌وشا ده‌ڤه‌رێ ژ هه‌موو لایه‌كی ڤه هاته كرن تایبه‌ت ره‌وشا ئاواره و په‌نابه‌رێن ل سنورێ پارێزگه‌ها دهۆكێ هاتینه ئاكنجیكرن .
پارێزگه‌رێ دهۆكێ كورتیه‌ك دا ره‌وشا كه‌مپێن ئاواره و په‌نابه‌ران و پێدڤیێن گه‌مپا دانه دیار كرن و كارتێكرنا هاتنا ڤان هه‌موو ئاواران بۆ پارێزگه‌هێ و گڤاشتنێن كه‌فتینه سه‌ر هه‌موو كه‌رتێن ژیانێ تایبه‌ت ساخله‌می و ئاڤ و كاره‌ب و په‌روه‌رده و باژێرڤانیێ.
ژلایێ خوه‌ڤه بالیوزا وه‌لاتێ پولونیا ده‌ست خوه‌شی ل پارێزگه‌ها دهۆكێ كر بۆ وێ پشته‌ڤانی و هاریكاریا به‌رده‌وام ل ئاواره و په‌نابه‌ران دكه‌ت و ئه‌و خزمه‌تا مه‌زن یا بۆ ڤان هه‌موو ئاوارا كری .
ديسا به‌حسێ چاوانیا په‌یداكرنا ده‌لیڤێن كاری و بجهئینانا هژماره‌كا پرۆژان دبیاڤێ په‌روه‌ردێ و چاندنێ دا ل سنورێ پارێزگه‌ها دهۆكێ هاته كرن. هه‌روه‌سا به‌حسێ ئه‌نجامێن هه‌لبژارتنان و كارتێكرنا ئه‌نجامێن دووماهیێ یێن هه‌لبژارتنا ل سه‌ر پاشه‌رۆژ و ره‌وشا عيراقێ ب گشتی و ده‌ڤه‌رێ ب تایبه‌تی هاته كرن .
ل دووماهیا دیدارێ، بالیوزا پولونیا پشته‌ڤانیا وه‌لاتێ خوه بۆ كوردستانێ ب گشتی و پارێزگه‌ها دهۆكێ ب تایبه‌تی دووپاتكر.
