پارێزگه‌رێ به‌سرا: حوكمه‌تا عيراقێ ئێك دۆلار بۆ به‌سرا نه مه‌زاختيه
ئه‌ڤرۆنيوز:
پاريزگه‌ري به‌سرا ئه‌سعه‌د عيدانى ئه‌ڤرۆ دوشه‌مبى 10/9/2018 حوكمه‌تا عيراقێ ب به‌رپرسيار ژ ره‌وشا خراب يا پارێزگه‌هێ ونه‌بوونا خزمه‌تگوزاريێن سه‌ره‌كى هژمارت، هه‌روه‌سا راگه‌هاند كو به‌غدا ئێك دۆلار ژى نه‌دايه مه بۆ چاره‌سه‌ريا كێشێن به‌سرا.
ئه‌سعه‌د عيدانى پاريزگه‌ري به‌سرا بۆ (رووسيا اليوم) گۆت” حوكمه‌تا عيراقێ ئه‌گه‌رێ خوه‌نيشاندانين نه‌رازيبوونێ وهه‌لكرنا پێلا توره‌بوونا وه‌لاتيێن به‌سرايه”.
گۆت ژى” به‌غدا پارێ به‌سرا نه هنارتيه وده‌مێ ساله‌كێ يه تنێ مژوولى دانا قه‌رزێن سالێن بۆرى يه يێن ل سه‌ر پاريزگه‌هێ وحوكمه‌تا به‌غدا نه‌شيايه چو پاره‌كێ بۆ وه‌به‌رهێنانێ ل به‌سرا دابين بكه‌ت”.
ناڤبرى سۆزێن حه‌يده‌ر عه‌باد سه‌رۆك وه‌زيرێن عيراقێ كو ل چه‌ند حه‌فتيێن بۆرى ل دۆر ته‌رخانكرنا گۆژمه‌كێ مه‌زن يێ پاره‌ى بۆ به‌سرا راگه‌هاندبوو، ب دره‌و ده‌رخستن وگۆت” حوكمه‌تا عيراقێ تنێ ئاخڤتن وسۆزێن به‌تال يێن داين وتنێ ئێك دۆلار ژى بۆ به‌سرا نه مه‌زاختيه”.
